ವಿಶ್ವ ಜಾಗೃತಿಯ ಹೆಣ್ಣಿನ ದ್ವನಿಯ ಪ್ರತಿಬಿಂಬ ಈ ದಿನ. ನನ್ನ ಎಲ್ಲ ಸ್ನೇಹಿತ ಹಾಗು ಹಿತೈಷಿ  ಹೃದಯಗಳಿಗೆ ಮಹಿಳಾ ದಿನಾಚರಣೆಯ ಶುಭಾಶಯಗಳು. ಕರುಣೆ, ವಾತ್ಸಲ್ಯ, ಮಮತೆ, ಪ್ರೀತಿ, ಸ್ನೇಹ, ಬಂಧುತ್ವ ಇವು ಹೆಣ್ಣು ಮಾನವ ಜಗತ್ತಿಗೆ ತೆರೆದಿಟ್ಟ ಜೀವನ ಸತ್ಯಗಳು. ಈ ಔಧರ್ಯಗಳೇ ನೆನೆವುಗಳ ಸತ್ವಗಳು.... ಕೋಟಿ ಕೋಟಿ ಮಾತೃ ಹೃದಯಕ್ಕಿದೋ ಪ್ರೀತಿ ಪೂರ್ಣ ವಂದನೆಗಳು.....

ಎಡರು ತೊಡರು

ನೀ ಎಡವಿಕೊಳಲು
ಏದುಸಿರ ಕರೆಗೆ 
ನಾನಲ್ಲಿರುವೆ
ಒಲವ ಕೈ ಹಿಡಿದು ಸಂಗಾತಿ..

ನಾ ಕಲ್ಲ ಹಾದಿಯಲಿ
ಬರಿಗಾಲ ಪಯಣದೊಲಿರೆ
ನೀನೆಲ್ಲಿರುವೆ
ಬರಿಯ ನೆನಪಲ್ಲವೇ ಗೆಳತಿ

ನಿನ್ನ ಹೆಜ್ಜೆ ಗುರುತಾ ಪಡೆದು
ಆಸೆಗಳ ಸೆರೆಯಿಡಿವ
ಕನಸುಗಾರನೆಂದ ನೀನು...
ನನ್ನ ಹೃದಯದೊಳಗೆ ನಿನ್ನ 
ಮಗುವಿನಂತೆ ಮಲಗಿಸೋ ಮುನ್ನ
ಗೂಡು ಕಟ್ಟುವೆನೆಂದೆ ನಾನು..

ಮಣ್ಣ ಹಿಡಿದು ಮುಷ್ಟಿಯೊಳಗೆ
ನಿನ್ನ ಮುಂದೆ ಮಾಡಿರೊ ಆಣೆ
ಮರೆತು ಹೋಗಿದೆ ಈ ಮುಂಜಾನೆ
ಮತ್ತೆ ನೆನೆಯದೆ ಆ ಸಂಜೆಯೊಳಗೆ
ನಿನ್ನ ಶಾಲು ಬರೆದ ಕವಿತೆ
ಅದರೊಳಗೆ ನೀನೆ ಅವಿತೆ


ನನ್ನ ಕಾಯ ತೆರೆದು ಒಲವಲಿ
ನಿನ್ನ ಹೃದಯ ತೋರಿಸೊ ವೇಳೆಗೆ
ಮೌನಗೀತೆಯ ಹಣೆದು ನೀನು
ಕೈಯ ನೀಡಿದೆ ಬಣ್ಣದ ಬಳೆಗೆ
ಹೊಸ ಬದುಕಿಗೆ ಬರೆಯೋ ಮುನ್ನುಡಿ
ಈ ಜೀವಕೆ ನೀನಾದೆ ನೆನಪ ಕನ್ನಡಿ