ಜೀವನದ ಸುಡುಬಿಸಿಲಿನೊಳು
ಪ್ರೀತಿ ಒರತೆಯಾಗಿ
ಬದುಕ ತುಂಬಿದೆ ನೀನು
ನಾವಿಬ್ಬರೂ ಹಣೆದ ಖುಷಿಯು
ಮಳೆಹನಿಯಾಗಿ
ತಂಪೆರಗುತಿರೆ
ಬಿರುಗಾಳಿ ಎಬ್ಬಿಸಿದ
ಕಾರ್ಮೋಡ ಒಡೆಯುತಿವೆ
ಸಿಡಿಲ ಆರ್ಭಟದೊಳು
ತಿಳಿಯುತಿಲ್ಲ ಹೊಳೆಯುತಿಲ್ಲ
ಭುವಿಗೆ ಭಾರವಾಗಿದೆ
ಕಣ್ಣು ಕಾಣದೆ ದೋಣಿ
ಈಜು ಕಲಿಯದೆ
ಮುಳುಗುತಿವೆ
ಬಚ್ಚಿಟ್ಟ ಕನಸುಗಳೆಲ್ಲವು..

ಒಲುಮೆಯ ಉತ್ತರ

ಜೀವನ ಕವಿತೆ ಬರೆದ ಸಾಲು
ಉದುರುತಿದೆ ಓ ಜೀವದ ಗೆಳತಿ
ಪ್ರೀತಿಯು ನೋವಿಗೂ ಮಿಗಿಲು
ಕೈಯನು ಬಿಗಿದಿಡುವೆ ನನ್ನೊಡತಿ
ಪೋಣಿಸೆ ಬಾ ನೀ ಜೊತೆಯಾಗಿ
ಇರುವೆನು ಬದುಕಲಿ ನೆರಳಾಗಿ..

               ಕಾಣುವ ರಾತ್ರಿಯು ಸುಂದರ ತಾನೆ
               ಮಿನುಗುವ ನಕ್ಷತ್ರ ಸುಡುತಿವೆ ತನ್ನೆ
               ನಿಜದಲ್ಲಿವುದು ಶಾಶ್ವತ ನಮಗೆ
               ಕಲ್ಪನೆ ಕರಗಿದ ನೋವೆ ಕೊನೆಗೆ
               ಎದೆಗೊರಗಿಸುವೆನು ಬಾಳಲಿ ನನ್ನ
               ಮರೆತುಬಿಡು ನೀ ಈ ಜಗವನ್ನ

ಕಣ್ಣಿನ ನಡುವೆ ನಲ್ಮೆಯ ನಗುವೆ
ಗೀಚಿದ ಸಾಲಿಗೆ ಪದಗಳೆ ಮಗುವೆ
ಸೇರಿಸೆ ಖುಷಿಯನು ಎಲ್ಲವು ಸರಿಯೆ
ನೀನೆ ಬರೆದ ಒಲವಿನ ಗರಿಯೆ
ತುಂಬಿದೆ ಭಾವಕ್ಕೆ ಪದಗಳ ಸರಿಗಮ
ನೀಡಬೇಕಿದೆ ನಾವು ಸಂತಸದ ವಿರಾಮ

ಕಾತರದ ನಗು

ಕಿರುನಗೆಯ ಕವಿತೆಯನು
ಸುಡುಬಿಸಿಲು ಕಸಿಯುತ್ತಿದೆ
ಮಳೆಹನಿಯ ಸುಖಬರಲಿ
ಮಂದಹಾಸವನು ತುಂಬಿ
ಕಾದಿಹೆನು ನಿನಗಾಗಿ
ಚೆಲುವ ದಿನಗಳಿಗಾಗಿ

ಬಳಿ ಸರಿದಾಗ ನೀನು

ಕಾಲ್ಗೆಜ್ಜೆ ನಿನ್ನ ಕರೆದಿವುದೆನ್ನ
ಹೃದಯಾ..ನ್ನ
ಹರಿ ಬಿಟ್ಟ ಮಲ್ಲಿಗೆ ಕಾಡಿವುದೆನ್ನ
ಜೀವವ..ನ್ನ
ಮುಂಗುರುಳ ಹುಡುಗಿ
ತಂಗಾಳಿಯಲ್ಲಿ ತೇಲೋದೆ ನಾ..
ನಿನ್ನಂದವನ್ನು ಕಣ್ತುಂಬಿದಂತೆ
ನಿನ್ನವನಾದೆ ನಾ..

ಚೆಲುವೆ ಹಿಂದಿರುಗಿ ನಗದಿರು
ಮನಸೆಲ್ಲಾ ಕರಗಿ ಸುದೆಯಾಗಿದೆ
ಕನಸೆಲ್ಲಾ ಆಕಾಶದಲ್ಲಾರಾಡಿದೆ
ಒಲವ ಹಣೆ ಬರಹ ಸರಿದರು
ಕ್ಷಣವೆಲ್ಲಾ ನೀರಾಗಿ ಹರಿದಾಗಿದೆ
ಬದುಕೆಲ್ಲಾ ನಿನಗಾಗಿ ಮುಡಿಪಾಗಿದೆ

ಮಳೆಯೆ ಬಂದೆರಗಿ ಸುರಿದಂತೆ
ಸುಳಿಗಾಳಿ ದೂಡಿ ತಂಪಾಗಿದೆ
ಭುವಿಯೆಲ್ಲ ಹಸಿರಾದ ಈ ತಲ್ಲಣ
ನಾಳೆಯೆ ನಮಗಾಗಿ ಬಂದಂತೆ
ಬಳಿಯೆಲ್ಲ ಕಾಡಿ ಇಂಪಾಗಿದೆ
ನಿನ್ನಿಂದ ನವಿರಾದ ಈ ಸಿಂಚನ