ಎಡರು ತೊಡರು

ನೀ ಎಡವಿಕೊಳಲು
ಏದುಸಿರ ಕರೆಗೆ 
ನಾನಲ್ಲಿರುವೆ
ಒಲವ ಕೈ ಹಿಡಿದು ಸಂಗಾತಿ..

ನಾ ಕಲ್ಲ ಹಾದಿಯಲಿ
ಬರಿಗಾಲ ಪಯಣದೊಲಿರೆ
ನೀನೆಲ್ಲಿರುವೆ
ಬರಿಯ ನೆನಪಲ್ಲವೇ ಗೆಳತಿ

ನಿನ್ನ ಹೆಜ್ಜೆ ಗುರುತಾ ಪಡೆದು
ಆಸೆಗಳ ಸೆರೆಯಿಡಿವ
ಕನಸುಗಾರನೆಂದ ನೀನು...
ನನ್ನ ಹೃದಯದೊಳಗೆ ನಿನ್ನ 
ಮಗುವಿನಂತೆ ಮಲಗಿಸೋ ಮುನ್ನ
ಗೂಡು ಕಟ್ಟುವೆನೆಂದೆ ನಾನು..

ಮಣ್ಣ ಹಿಡಿದು ಮುಷ್ಟಿಯೊಳಗೆ
ನಿನ್ನ ಮುಂದೆ ಮಾಡಿರೊ ಆಣೆ
ಮರೆತು ಹೋಗಿದೆ ಈ ಮುಂಜಾನೆ
ಮತ್ತೆ ನೆನೆಯದೆ ಆ ಸಂಜೆಯೊಳಗೆ
ನಿನ್ನ ಶಾಲು ಬರೆದ ಕವಿತೆ
ಅದರೊಳಗೆ ನೀನೆ ಅವಿತೆ


ನನ್ನ ಕಾಯ ತೆರೆದು ಒಲವಲಿ
ನಿನ್ನ ಹೃದಯ ತೋರಿಸೊ ವೇಳೆಗೆ
ಮೌನಗೀತೆಯ ಹಣೆದು ನೀನು
ಕೈಯ ನೀಡಿದೆ ಬಣ್ಣದ ಬಳೆಗೆ
ಹೊಸ ಬದುಕಿಗೆ ಬರೆಯೋ ಮುನ್ನುಡಿ
ಈ ಜೀವಕೆ ನೀನಾದೆ ನೆನಪ ಕನ್ನಡಿ