ಕಡಲ ತಡಿಯೊಳು
ನಿನ್ನೆಸರ ಬರೆದೆ
ಒಡಲ ಗೋಡೆಯಲಿ
ನಿನ್ನ ಪ್ರತಿಮೆ ತೆರೆದೆ...
ಬಣ್ಣ ಹಚ್ಚಲು ಬೇಕು
ಕೈ ಹಿಡಿದು ಸಾಗಬಲ್ಲೆಯೇನು..

ಕಂಗಳ ಕಾಂತಿಯಲ್ಲಿ 
ಭೂ-ರಮೆಯ ಸೌಂದರ್ಯ
ಕನಸುಗಳ ಆಗಸದಲ್ಲಿ 
ನನಸುಗಳ ಆಕಾರ 
ಬಣ್ಣ ಬಣ್ಣಗಳ ಚಿತ್ತಾರ 
ನಡುನಡುವೆ ಕಿವಿಗಿಂಪು 
ನೀಡುವ ಮಧುರಧ್ವನಿ 

ಆ ಹಕ್ಕಿಯ ಹಿಡಿಯ ಹೋದ ಮನಸ್ಸು 
ಮೋಹದಿಳೆಯಲ್ಲಿ ಬಳಿ ಸರಿದರೆ 
ನಗು ನಗುತ್ತಲೆ ದೂರ ಸರಿಯಿತು
ನೆನಪುಗಳಾಗಿ.. 
ಭಾರ ಹರಿಯಿತು ಮಳೆಹನಿಗಳಾಗಿ...

ಗೆಳೆತಿ  ನೀ ಕಟ್ಟುವ ಕನಸಿಗೆ

 ನಾನೇ ಸ್ಪೂರ್ತಿಯಾದರೆ.. 

ಒಲವ ನಾನಿಟ್ಟಿರುವೆ 

ನಿನ್ನ ಪ್ರೀತಿ ಪಂಚಾಂಗ ಕಲ್ಲುಗಳಲಿ...

  ಬೆಲೆಯಿಲ್ಲದ  ನೆಲೆ 

ಕನಸ ಮಾರುವೆನು
ಕೊಳ್ಳುವವರಿರೆ
ಮನಸು ಜಾರದಿರಲಿ  
ಅಗ್ಗ ಬೆಲೆಯಲಿ 
ಕೊಂಬ ಹಠ ಮಾಡೊ 
 ಜನರ ಸಂತೆಯಲಿ... 


ಕನಸು ಉಚಿತವಲ್ಲ 
 ಕಾಣೋ ಮನಸು ಖಚಿತವಾದೊಡೆ 
ಪ್ರೀತಿಗೆ ಬೆಲೆಯಲ್ಲಿ 
ಅಳತೆ ಮಾಡೋರು ಯಾರು?... 

ಅಜ್ಜಿ ಒಟ್ಟು ಮಾಡಿರೊ 
ನಾಲ್ಕಾಣೆ ರಾಶಿಯ ಬೆಲೆ 
ಶ್ರೀಮಂತ ಬಿಕರಿಯಲ್ಲಿ

ಚೆಲ್ಲೂ ಕಾಶಿಗಿಂತ ರುಚಿತಾನೆ..?

 ನೆನಪ ಹನಿ 

ಮುಂಜಾವಿನಲಿ ಹಸಿರೆಲೆಯೊಳು
ಸುರಿವ ಹನಿ ಭಾರಕ್ಕೆ 
ನೆನಪ ಬಿಂದುಗಳು
ಜಾರುತ್ತಿರುವೆ ಗೆಳತಿ.... 
ಮಂಜಾಗುತ್ತಿರುವ ಮನಸ್ಸು
ಕಣ್ಣ ಹನಿಯೊಂದಿಗೆ ಕರಗುತ್ತಿದೆ 
ಎಳೆಬಿಸಿಲ ಕಾಲ ದುಃಖಕ್ಕೆ...

ಈಗಲಾದರೂ ತಿಳಿ ನೀನು
ನನ್ನ ಮನದ ತಳಮಳ
ಗೆಳತಿ ಆಗಬಾರದೇಕೆ
ನನ್ನ ಒಲವ ಹೂವದಳ
ಮತ್ತೆ ಸಿಗಲಾರೆ
ಹುಡುಕಿದರೂ ನೀನು ಪಾತಾಳ......!

ಗೆಳತಿ

ನೆನಪ ಸುಗ್ಗಿಯಲಿ 

ತನು ಬೆವರುತ್ತಿದೆ.. 

ಕನಸ ಮಗ್ಗಿಯಲಿ 

ಮನ ಕಳೆಯುತ್ತಿದೆ.. 

ಮಳೆಯ ಹನಿಯಾಗದೆ..

 ತಂಪು ತಂಗಾಳಿಯಾಗದೆ.. 

ಮರುಭೂಮಿಯ ಮೋಡದಂತೆ 

ಮರೆಯಾಗುವೆ ಏಕೆ?...