ನೀನಿರದ ಗಳಿಗೆ

ಜ್ವರವು ನನ್ನಾವರಿಸಿದಂತೆ

ನೀನೆದುರಾದಾಗ

ನೀರೊಂದಿಗಿಳಿದ ಗುಳಿಗೆ

ಜೊತೆಗಿದ್ದರೆ ಸದಾ ನೀನು

ಖುಷಿಯಿಂದಿರುವೆ ನಾನು

ನಿನ್ನ ಭಾವದ ನೆರಳು

ಬೀಳುತಿದೆ ಎನ್ನ 

ಹೃದಯದ ಬಾಗಿಲಿಗೆ 

ಎನ್ನ ಮನದ ಮರುಳು

ಕೇಳುತಿದೆ ನಿನ್ನ 

ಬರಲಾರೆಯ ಒಳಗೆ

ಗೆಳತಿ ನನ್ನೆದೆಯೊಳಗೆ..

ಜೀವದಾರತಿಯನು ಉರಿಸಿ

ಕಾಡುವ ಕಷ್ಟಗಳನು

ಪ್ರೀತಿಯಿಂದಲೆ ಸರಿಸಿ

ಸ್ವೀಕರಿಸುವೆನು ಒಲವೆ

ಜೀವ ಬಂಧನಕೆ

ಬಾಗಿಸೆಯ ಕೊರಳನು

ಗೆಳತಿ ನವಜೀವನದೊಳಗೆ..

ಸಂಭ್ರಮವು ಬೇಕಿಲ್ಲ

ಮಂತ್ರಘೋಷಗಳು ಇಲ್ಲ

ಪ್ರೇಮದಾಲಾಪನೆಯೆ ನಮಗೆಲ್ಲ

ಒಪ್ಪಿಬಿಡುವೆಯ ಹೇಳು

ಕಟ್ಟಿಕೊಳ್ಳುವ ಕನಸನ್ನು

ನಮ್ಮಿಬ್ಬರ ಆರಮನೆಯಲ್ಲಿ 

ಗೆಳತಿ ಹೃದಯದ ಅರಮನೆಯೊಳಗೆ..

ಯಾವ ಜನಮಂದಿಯಿಲ್ಲವೊ

ವಾರಿಧಿ ತಟದೊಳು

ಅಲ್ಲೆ ನಿನ್ನೊಂದಿಗೆ ಕಳೆವೆನು

ನನ್ನ ಸಮಯವನು

ಸದ್ದುಗದ್ದಲವಿಲ್ಲದ ಕಾನನ

ಹರಿವ ಜಲರಾಶಿ ಪಕ್ಕ

ನಡುವೆ ಗುಡಿಸಲಿರೆ

ನಿನ್ನೊಂದಿಗೆ ಬದುಕ ಕಟ್ಟುವೆನು..

ಗೆಳತಿ

ಈ ಊರು ಪರವೂರು ಬೇಡ

ನಂಬಿ ಬದುಕುವ 

ನಮ್ಮಿಬ್ಬರ ಮನಸುಗಳಿರೆ

ಧರಿತ್ರಿಯ ಹಸಿರೊಳು

ಪ್ರೀತಿ ಹಂಚುತಾ ಬಾಳೋಣ..

ಓದು ಬಾ

ಓಡಿ ಬಾ

ಶಾಲೆಗೆ..

ಉತ್ತಿರ್ಣನಾಗಿ

ಭವಿಷ್ಯ ತಾ

ನಾಳೆಗೆ..

ಇಳಿಸಂಜೆಯ ಬಾನಲಿ

ತೇಳಾಡಿದೆ ಮನ

ಪಶ್ಚಿಮದ ಗಾಳಿಗೆ

ಮೈಯೊಡ್ಡುತಾ

ಅರುಣವರ್ಣವು ಚಾಚಿದೆ

ನೀಲಕಾಶವನು

ವರುಣನಿಲ್ಲದ ಮುದವು

ತನುವ ತುಂಬಿದೆ..

ಹಕ್ಕಿ ಗೂಡುಗಳ ಅರಸಿರಲು

ತನ್ನವರ ಸೇರಲು

ಧ್ವನಿಯಾಗಿದೆ ಸಂಧ್ಯರಾಗ

ಭಾವ ಮೀಟಲು

ಇಂಪಾಗಿದೆ ತಂಪಾಗಿದೆ

ಮರೆಯಲಾರೆನು

ಈ ಸಂಜೆಯನು

ಸಂಗಾತಿ ಜತೆ ಹೆಜ್ಜೆಯನು..

ಮನ ತುಂಬಿದ ಭಾವದೊಳು

ಏಕಾಂತವೇ ನೀನಾದರೆ

ನನಗೀಗ ಜಾಗ ಎಲ್ಲಿದೆ..

ತರಗೆಲೆಗಳ ಹನಿ ಸದ್ದಲಿ

ನಿನ್ನೆಜ್ಜೆಯ ದನಿ ಇರೆ

ತಂಗಾಳಿಯು ನಗು ಚೆಲ್ಲಿದೆ..

ಗೆಳತಿ

ನೆನಪೆಲ್ಲವು ಮುದ ನೀಡಿದೆ

ಪ್ರೀತಿಯ ಬಳಿ ಹೋಗೆಂದಿದೆ

ಕೆಂಪಾಗಿದೆ ನಾಚುತಲಿ

ಈ ಮನವು..

ಎದೆಯೊಳ ಬಾರ ಇಳಿದಿದೆ

ಸಂಗಾತಿಯ ಸೇರೆಂದಿದೆ

ಬಾಹುಬಂಧವನು ಬಯಸಿದೆ

ನನ್ನ ತನುವು..

ಹನಿ ಹನಿ ಪೋಣಿಸಿ                                            

ಕೈಯೊಳಗೆ ಬಾಚಿಟ್ಟ                                               ಹೂವಂತಿಹ ಪ್ರೀತಿಯದು..

ಹೊಳೆಸೆಳೆಯುವ                                

ಸ್ಥಿತ್ಯಂತರದ 

ನಿರ್ಮಲ ರೀತಿಯಿದು..

ಲತೆ ಬಾಡಿದ 

ಕಾವ್ಯಕಾಣದ 

ಕತೆಯಾಗಿದೆ 

ಬರೀ ನನ್ನೊಳಗೆ..