ಊರಕೇರಿಯ ದೂರ ಅವಳ ಮನೆಯು

ಬದಿಯಲೆ ನಮ್ಮ ಗದ್ದೆಯ ಭತ್ತದ ತೆನೆಯು

ನಾನಕ್ಕರೆ ಅವಳಕ್ಕರೆ ಸೇರಿ ಮಾತು

ನಡುವೆ ಸುಯಿಗುಡುವ ಗಾಳಿಮಾತು

ತೊಳೆದ ನಾಚಿಕೆ ಬೆಸೆದ ಬಂಧವು

ಬೆಳೆದ ಸಂಚಿಕೆ ಮೊಗದ ಪ್ರೀತಿಯಂದವು

ಚೆಲುವ ಬದುಕಿಗೆ ತುಂಬಿದಾಕೆ

ಬಸಿರ ಹೊತ್ತ ಕೈ ಹಿಡಿದಾಕೆ

ಅವಳು ನನ್ನವಳು 

ನಗುವ ತಂದವಳು

ಹಳ್ಳಿ ಬದುಕಿನ ನೀರೆಯವಳು

ಬೆಳ್ಳಿ ಸಾಲಿನ ತಾರೆಯವಳು

ನಮ್ಮ ಪ್ರೀತಿಯ ಸಾಕ್ಷಿ ತವರು

ಹೊಟ್ಟೆಯಲ್ಲಿ ಚಂದ್ರಚಂದ್ರಿಕೆಯರು

ಕಾತರವ ನೀಡಿದೊಡತಿ

ಹೊಳೆವ ಕಂಗಳ ಗೆಳತಿ