ಗೆಳತಿ 

ಕಣ್ಣ ಮುಚ್ಚುವ ಮೊದಲೇ
ಕನವರಿಸಿಕೋ ನಿನ್ನ ಇಷ್ಟವನು
ಸುಮ್ನೆ ಮಲಗಿದ ಮೇಲೆ 
ತಂದ್ಕೊಬೇಡ
ಕೆಟ್ಟ ಕನಸಿನ ಕಷ್ಟವನು .....

ಗೆಳತಿ

ಹುಚ್ಚಂತೆ ಕುಣಿದು
ಒಲವಲ್ಲಿ ದಣಿದು
ಮನಸೀಗ ಕನಸ ಸಂತೆ
ನಿನಗಿಲ್ಲವೇಕೆ ಚಿಂತೆ

ಹೂವ ಚಿಗುರಂತೆ ಹುಟ್ಟಿ
ಭಾವ ಮಗುವಂತೆ ಕಟ್ಟಿ
ಪ್ರೀತಿ ಬದುಕನೀಗ
ಈ ರೀತಿ ಮರೆವೆನೇಗೆ

ಗೆಳತಿ

ಸರಿತಪ್ಪಿರಲಿ ಅಲ್ಲಿ
ನಾವು ಒಪ್ಪಿರಲು ಇಲ್ಲಿ
ಬೆಸೆಯಲು ಅನುಬಂಧ
ಹಸಮನೆಯ ಸಂಬಂಧ...

ಗೆಳತಿ

ಒಂದೆಸಳ ಹೂವಲ್ಲಿ
ಒಂದನಿಯು  ನೀನಾದೆ

ಹೊಂಬಿಸಿಲ ಕಾವಲ್ಲಿ

ಮೊದಲಸಲ ಮರೆಯಾದೆ

ಕೇಳೆನ್ನ ಜೀವ ನೀನು

ಬಾಳಿನ ಭಾವ ಜೇನು....

ಮತ್ತೆ ಸುಮವಾಗಿ

ಕಾಯುತ್ತಿರು ನನಗಾಗಿ

ಬರುವೆನು ಜೊತೆಗಾಗಿ

ನಾ ದುಂಬಿಯಾಗಿ

ನಿನ್ನ ಮುದ್ದಿಸಲು ಚೆಲುವೆ

ತಾಳಿ ಮಂತ್ರವ ತರುವೆ

ಸಿಂಗರಿಸಿ ಕಾಯವನು

ಹೂವಿಂದ ಕಾಯಿಯನು

ಹೆಣ್ಣೇ ಹಣ್ಣಾಗಿ

ಹಣ್ಣ ಕಾಯಿಯೂ ಮಣ್ಣಾಗಿ

ಮಣ್ಣಿಂದ ಜೀವದ ತಿರುಳಾಗಿ

ಹೇಳು ಇದಲ್ಲವೇ ಜೀವನ..

ನಮ್ಮಿ ಭಾವದ ಪಯಣ..

ಗೆಳತಿ....

ಮನಸಿಂದು ಮಗುವ ತರವೇ

ಕನಸಿಂದು ಯಾಕೆ ತರವೇ

ಬದುಕಿಂದು ಬರಿಯ ಬೊಗಸೆ

ನಿನ್ನ ಮೌನ ಮುರಿಯೆ ಸೊಗಸೇ

ಹೇಳು ಮನಸೇ ನೀನು

ಕನಸು ಬರಿಯ ಕನಸೇ...?

ಕಾತರಿಕೆ

ತಂಗಾಳಿ ನನ್ನ
ಮೈಸೋಕಿದಾಗ
ಮನಸೆಲ್ಲ ಹಿತವಾಗಿದೆ....
ಬಂಗಾರ ಬಣ್ಣ
ಮರೆಯಾಗಿ ಸಂಜೆ
ಬೆಳದಿಂಗಳಲ್ಲೇ ಕುಣಿದಾಡಿದೆ....
ಶೃತಿಯಾಗಿ ಒಲವ
ದ್ವನಿಗಾಗಿ ನಿನ್ನ
ಪ್ರತಿ ಗಳಿಗೆ ನಾನು
ಕಾಯುವೆ..... 
ಮನವನ್ನೇ ಕೇಳಿ
ಕನಸನ್ನ ಕಟ್ಟಿ 
ನಮ್ಮ ಪ್ರೀತಿ ಬದುಕ
ತೆರೆದಿಡುವ ಮುನ್ನ
ಯಾಕಾದೆ ಮೌನ
ನೀ ಹರಿಸೆ ಗಮನ......

ನೆನಪು

ಕೆಂಪಾದ ಸಂಜೆಯೊಳು

ತಂಪಾದ ತಂಗಾಳಿಗೆ ನಾಚುವ 

ತರಗೆಲೆಯಂತೆ

ಮೌನವ ಮುರಿಯಲು

ಮನವನು ದೋಚುವ 

ಒಳದನಿಯಂತೆ 

ದಾಹದಿ ಕರೆಯಲು 

ಭುವಿಯನು ತಣಿಯುವ 

 ಮಳೆ ಹನಿಯಂತೆ 

ಮತ್ತೆ ಮತ್ತೆ  ನೆನೆವು 

ಕನಸಾಗಿ ಚಿಗುರುತ್ತಿದೆ.....

 

 

ಮನಸ್ಸು ಹಾರುವ ಹಕ್ಕಿ ಸಖಿ

ಅಕ್ಕರೆಯ ಬೀದಿಯೊಳು
ಸಕ್ಕರೆಯ ಕಾಣುವವರು
ಮನಸಿನ ನೂರು ಕಹಿಗೆ 

ಉತ್ತರವ ಕೊಳ್ಳುವರೆ

ಹೇಳೇ ........ ಸಖಿ

ಬರೆದಿಟ್ಟ ಹಣೆಬರಹದೊಳು

ಚಿತ್ತಾರವ ಹಣೆದವರ

ಬಿತ್ತರಿಸುವ ಕನಸುಗಳು

ನೀರಾಗದೇ ಉಳಿವುದೇ 

ಹೇಳೇ...... ಸಖಿ 

ನಾ ದೋಣಿ ತಲ್ಲಿರಲು

ಭೋರ್ಘರೆವ ಸುದೆಯು 

ತಣಿಯುತ್ತಿರಲು

ಬರುವೆಯ ಹೇಳೇ ...

ನನ್ನ ಸಖಿ..

ಮನದ ಮುಖಿ..